ՌԴ նախագահ Վլադիմիր Պուտինը ժամանել է Վիետնամ:
Bloomberg-ը նշում է, որ չնայած ԱՄՆ-ի նախազգուշացումներին՝ ՌԴ նախագահին Հանոյում ջերմ ընդունելության են
արժանացրել։
Վիետնամը
ողջունել է Վլադիմիր Պուտինին՝ ընդգծելով Ռուսաստանի հետ իր երկարամյա
հարաբերությունները Ուկրաինայում ռազմական հակամարտության պատճառով ԱՄՆ
քննադատության ֆոնին: Այսպիսով, նշում է Bloomberg-ը, Հանոյն անտեսել է Վաշինգտոնի
կոչերը բոլոր երկրներին՝ թույլ չտալ Ռուսաստանի նախագահի դիրքերի առաջխաղացում
աշխարհում։
Պուտինը
այսօր Հանոյ է ժամանել Հյուսիսային Կորեայից, որտեղ ստորագրել է համապարփակ
ռազմավարական գործընկերության համաձայնագիր Կիմ Չեն Ընի հետ, ով խոստացել է
«անվերապահորեն» աջակցել Ռուսաստանին պատերազմում։
«Այցը ցույց է տալիս, որ Վիետնամն ակտիվորեն իրականացնում է
իր արտաքին քաղաքականությունը անկախության, ինքնուրույնության, դիվերսիֆիկացման և
բազմակողմանիության ոգով»,- ասվում է Վիետնամի կառավարության հայտարարության մեջ:
